Kiyo Kar Na Hoo Myar e Sakha Fatima Zahra

کیوں کر نہ ہو میعارِ سخا فاطمہ زہرا

ہیں دخترِ محبوب خدا فاطمہ زہرا 

ہیں نورِ محمد بخدا فاطمہ زہرا

محشر میں ہیں رحمت کی گھٹا فاطمہ زہرا 

مادر ہے وہ زینب کی حسین اور حسن کی

ہیں آل محمد کی ردا فاطمہ زہرا 

پوچھا جو کسی نے کہ ہیں خاتونِ جناں کون؟

آہستہ سے رضواں نے کہا فاطمہ زہرا 

ایک ایک نظر حاملِ صد لطف و کرم ہے

ہیں وارثِ فیضان وعطا فاطمہ زہرا 

اوصاف حمیدہ میں وہ ممتاز ہیں سب سے

ہیں جملہ خواتین سے جدا فاطمہ زہرا 

دیتی ہے وفائے حسنین اس کی شہادت

ہر لمحہ تھی راضی بہ رضا فاطمہ زہرا 

اب تو ہے نصیر ان سے عقیدت کا یہ عالم

ہر حال میں ہے ورد میرا فاطمہ زہرا