شجرہ سلسلہ عالیہ چشتیہ

اے خداوندا! تو ذاتِ کبریا کے واسطے

رحم کر مجھ پر محمد مصطفٰی ﷺ کے واسطے

میں ہوا ہوں سخت زار اس بندِ محنت میں اسیر

کھول ے مشکل علی المرتضٰیکے واسطے

خواجہ بصری حسن کا نام لاتا ہوں شفیع

شیخ عبدُالواحداہلِ بقا کے واسطے

فضل کر مجھ پر طفیلِ خواجہ ابن عیاض

شاہ ابراہیم بلخی بادشاہ کے واسطے

حضرت خواجہ حذیفہ کے لیے ٹُک رحم کر

پھر ہبیر البصری صاحبِ ہُدا کے واسطے

خواجہ شمشاد کی خاطر میرا دل شاد کر

شیخ بُو اسحاق قطب چشتیا کے واسطے

خواجہ ابدال احمد بُو محمد مقتدیٰ

خواجہ بُو یوسف صاحبِ صفا کے واسطے

خواجہ مودُود حق اور خواجہ حاجی شریف

خواجہ عثمانِ ہرونی اہلِ اقتداء کے واسطے

والئی ہندوستان خواجہ مُعین الدین حسن

شیخ قُطبُ الدین قُطبُ الاتقیاء کے واسطے

کام کر شیریں طفیلِ خواجہ فرید گنجِ شکر

اور نظام الدین محبوبِ خُدا کے واسطے

دل کو روشن کر  طفیلِ شہِ نصیرالدین چراغ

اور کمال الدین کمالِ اصفیاء کے واسطے

دور کر ظلمت سراج دین و دنیا کے طفیل

اور علمِ الحق و الدین الہدا کے واسطے

حضرت محمود راجن سرورِ دنیا و دیں

اور جمال الدین جمن صاحبِ صفا کے واسطے

شاہ حسن اور خواجہ شیخ محمد کے طفیل

حضرت یحییٰ  مدینی مقتدیٰ کے واسطے

فضل کر مجھ پر طفیلِ شاہ کلیم اللہ ولی

اور نظام الدین مقبولِ خدا کے واسطے

دین و دنیا کا وسیلہ پیر عالم فخر دیں

خواجہ نور محمد رہنما کے واسطے

حضرت خواجہ سُلیمان دو جہاں کے دستگیر

قبلہ حاجات کعبہ مدعا کے واسطے

کر کرم مجھ پر طفیلِ خواجہ عالی جناب

شیخ شمس الدین شمسِ چشتیا کے واسطے

صاحبِ صدق و صفا عالی مراتب بے ریا

خواجہ شہِ مہر علی نور الوریٰ کے واسطے

میر بزمِ عاشقاں ہم شہسوار راہ حق

شاہ احمد حسین در صفا کے واسطے

بخش دے اپنی محبت قطع کر دے ما سوا

واسطے پیرانِ شجرہ چشتیا کے واسطے